11 eskaintza aurkeztu dira Ballets Olaeta kalea urbanizatzeko lehiaketan

Guztira 11 eskaintza aurkeztu dira Zorrotzaurreko 1go Egite Unitatearen Hitzarmen Batzordeak Ballets Olaeta kalea urbanizatzeko antolatu duen lehiaketan. Eskaintzak aurkezteko epea joan den asteartean amaitu zen, eta lizitazioaren oinarrizko aurrekontua 1.562.238,30 eurokoa zen (BEZ kanpo).

Eskaintza guztietatik, 4 UTE bezala aurkeztu dira, guztira, 8 enpresa elkartuz.

Eskaintzak aztertu ondoren, Hitzarmen Batzordeak lana, eskaintza onena aurkeztu duen enpresari emango dio.